تحليل علمي

موضوع: تحليل علمي الجمعة أبريل 25, 2008 12:44 pm

تحليل علمي
******....
شنو المنطق ؟؟؟
علم من أرقى العلوم
ما ترس منه الغشيم جيوبه
وبه نوصل للحقيقة بكل وضوح
لا متاهات ونظم مشطوبه
والحقيقه هي للمنطق نتاج
وبيها يتكامل مداه ..واسلوبه
زمنطقيتها تجي بأبسط دليل
ما تسوي المعصيه ويالتوبه
ما اريد اتفلسف بهاذي الأمور
عقولنا .. ويا الفلسفه مغلوبه
بس اكَول الرسم صورة كربلاء
خالف المسموعة والمكتوبه
مستحيل السائل تجذبه السماء
والأرض ..جاذبه ومو مجذوبه
ولو ردت تحليل علمي للي صار !!!
الا جانت هالأرض (مكَلوبه)ـ
وهاي ما يعقلها منطق او اصول
ولو سألت المنطق ايكَلك هُراء
والسبب هذا الجرى مو عن علوم
صاغها عالم بحقل الفيزياء
هاي من اروع عيون المعجزات
صاغها السوى العلم ..والعلماء
راد بيها ايفنّد افكار الوجود
وفلسفتها تفوت من باب الفداء
بجاذبية دم ابو السجاد هاي
راد ربك يجتذبنا من الفناء
لان لو دمه بقى وما صعد فوكَـ
راح يتولد صراع اعلى البقاء
وراح تتساقط عل الأرض النجوم
تخيّل انت شراح يحدث من بلاء
إذن ربك من جذب دم الحُسين
حتى ما تنطبق عالأرض السماء
**************
احسان العسكري سوق الشيوخ 1998
نشرت في جريدة الحياة العراقية 2003