إمحيـني

موضوع: إمحيـني الإثنين أبريل 21, 2008 2:15 pm

إمحيني
شطالب انت وقصرت وياك يوم
بدون ما تطلب
هديت سنيني
حگي من شفت الگمر چلبت بيك
لأن خفت تضيع بينه وبيني
وما كو داعي من تروح اركض وراك
وگلبي گدامك مشا يتانيني
ومن خذت گلبي صرت لعبه بديك

بيامكان ايعجبك تخليني
اببيتي وتايه بعد شنهو الضياع؟
ليمت اتحن علي وتدليني
لو تريد انساك
اذبحني بديك
حتى دمّك بعد ... ميغذيني
اتريد تمحيني وانا اتلبست بيك
امحي نفسك لوردت تمحيني
اشذكرك بيه وبعيد الدرب صار
چنت بحضانك ونت ناسيني
لا تتعب نفسك بكثر الكلام
آنه اشوف عيونك تحاچيني
اشكثر متحمل عذابك موگضيت
والنتيجه عيوني التبچيني
ابچي منك لا تظن ابجي عليك
انته بيه الفرگه ما تضنيني
لا تظن هذا دمع من عيني طاح
هذا آنه اللي طحت من عيني
احسان العسكري سوق الشيوخ 1996