أولــــها

موضوع: أولــــها الإثنين أبريل 21, 2008 2:06 pm

أولها
إذا تالي حياتك طعم للتربان
شيفيدك تكبــــــّر چان باولها؟
سفينه وهاجرت عن شاطي الامحبين
وعواصف هالوكت مـــحّد يأمن الها
مالت وانچف والبحر رعشة روج
وانت بلا مراسي شلون تعدلها؟
چنت گبلك الوذ بلمة الصحبان
احطّنهم درع .. والنايبه اركلها

[b]غيرهم زماني بكثرة الميلات
وغرتهم الدنيا بحل جدايلها
خل عندي كَلت والوكت ذبني اعليك
تالي مصايبي بيدك تفصلها ؟؟
يا ناعم غصن رايد تواكح سيل
وتكَلي تخلا عني ..شلون تقبلها؟
انصحك هالدرب تخسر عيونك بيه
والدنيا متاهه وبيش تندلها ؟
وعمرك مثل سبحه وآنه لك شاهود
اذا عنك ضعت بيمن تكملها ؟؟؟
16 سوق الشيوخ 1996